BAKI, 9 oktyabr — Sputnik. Ukraynanın Çerniqov vilayətində hərbi anbarda baş verən partlayışla bağlı 20 kilometr radiusda hava məkanı bağlanıb. Sputnik Azərbaycan bu barədə Rusiya KİV-nə istinadən xəbər verir.
Ərazidən keçən qatarların və avtomobillərin də hərəkəti məhdudlaşdırılıb. Ümumilikdə hərbi anbarın ərazisi 680 hektardan çoxdur.
Ukrayna Baş Qərargahının yaydığı məlumatda qeyd olunur ki, silah anbarında ilk partlayış oktyabrın 9-a keçən gecə saat 03:00 radələrində baş verib. Partlayış nəticəsində xəsarət alan yoxdur. Ümumilikdə 10 minə yaxın insan təxliyə olunub.
