İsrail təyyarə olayında günahkarları tapdı – İran, Suriya və Hizbullah

CC0 / edu_castro27 / Israeli flagİsrail bayrağı, arxiv şəkli
İsrail bayrağı, arxiv şəkli - Sputnik Azərbaycan
Abunə olmaq
Rəsmi Tel-Əviv həmçinin, Rusiya təyyarəsinin vurulmasına görə məsuliyyət daşımadığını da bildirib

BAKI, 18 sentyabr — Sputnik. İsrail Suriyada Rusiyaya məxsus "İl-20" təyyarəsinin qəzaya uğraması ilə bağlı başsağlığı verib. Sputnik Azərbaycan "RİA Novosti"yə istinadən xəbər verir ki, bu barədə İsrail Müdafiə Nazirliyi məlumat yayıb.

Rəsmi Tel-Əviv həmçinin, Rusiya təyyarəsinin vurulmasına görə məsuliyyət daşımadığını da bildirib. İsrail tərəfinin fikrincə, baş verənlərdə günahkarlar rəsmi Dəməşq, İran və Hizbullah təşkilatıdır.

Qeyd edək ki, Rusiyanın Suriyanın Xmeymim əyalətində yerləşən hərbi bazasının komandanlığı sentyabrın 18-i 00:00 radələrində Hava-Kosmik Qüvvələrinin "İl-20" təyyarəsi ilə əlaqəni itirib. Ekipajla əlaqə Aralıq dənizində, Suriya sahillərindən 35 kilometr aralıda itib.

İsrail qırıcı təyyarə,arxiv şəkli - Sputnik Azərbaycan
İranla İsrail arasında böyük müharibə xəbərdarlığı - ABŞ kəşfiyyatından nələr sızıb

Rusiya hərbi bazasının komandanlığı axtarış-xilasetmə işlərinə başlayıb. "MarineTraffic" portalının məlumatına görə, hazırda Tartus limanı yaxınlığında Rusiya Hərbi Dəniz Qüvvələrinə məxsus "Professor Nikolay Murov" xilasetmə yedək gəmisi yer alıb.

Rusiya Müdafiə Nazirliyi qeyd edib ki, "İl-20" təyyarəsi İsrailə məxsus 4 ədəd "F-16" qırıcısının Suriyanın Latakiya bölgəsində uçuşlar həyata keçirdiyi zaman yoxa çıxıb. İsrail hərbçiləri isə Rusiya Müdafiə Nazirliyinin bəyanatını şərh etməkdən imtina ediblər.

"İsrail hərbçilərinin məsuliyyətsiz addımları nəticəsində 15 Rusiya hərbçisi həlak olub. Bu, Rusiya – İsrail əməkdaşlığının ruhuna uyğun deyil" — deyə Rusiya Müdafiə Nazirliyinin rəsmi nümayəndəsi general-mayor İqor Konaşenkov bildirib.

Rusiya Müdafiə Nazirliyi bəyan edib ki, sözügedən təyyarə Suriyaya məxsus "S200" Hava Hücumundan Müdafiə Sistemləri tərəfindən havaya buraxılan raketlə vurulub. O da əlavə olunub ki, təhlükəli vəziyyət Latakiya rayonunda İsrail təyyarələri tərəfindən qəsdən yaradılıb.

Konaşenkovun sözlərinə görə, İsrail pilotları "İl-20" təyyarəsinin yaxınlığında manevr edərək ona Suriya Hava Hücumundan Müdafiə Komplekslərinin atəş açmasına səbəb olub. Bundan əlavə vurğulanıb ki, Rusiya təyyarəsi enişə hazırlaşdığından İsrailə məxsus aviasiyanın idarə olunması sistemləri onu mütləq şəkildə görməli idi.

"İsrail komandanlığı Suriyada planlaşdırılan əməliyyat barədə Rusiya komandanlığına xəbərdarlıq etməyib. "Qaynar xətt" üzrə bildiriş zərbələrə bir dəqiqədən də az qalmış müddətdə əldə olunub ki, bu da Rusiya təyyarəsini təhlükəsiz zonaya çıxarmağa imkan verməyib" — deyə Rusiya Müdafiə Nazirliyinin rəsmisi bildirib.

Konaşenkov vurğulayıb ki, Rusiya Müdafiə Nazirliyi baş verənlərə adekvat cavab vermək hüququnu özündə saxlayır. İsrailin Moskvadakı səfirliyi isə bu məlumatı şərh etməkdən imtina edib.

Xəbər lenti
0