15:58 17 Noyabr 2018
Canlı yayım
  • USD1.7000
  • RUB0.0258
  • EUR1.9267
Alma və banan, arxiv şəkli

Dünyanı sarsıdan dəhşətli terror yeni forma aldı, inanılası deyil

CC0 / Alexas_Fotos / Banana
DÜNYA
Qısa URL
311 0 0

Cinayətkarları 10 ilə qədər azadlıqdan məhrumetmə cəzası gözləyir

BAKI, 18 sentyabr — Sputnik. Avstraliyada Yeni Cənubi Uels polisi alma və bananda tikiş iynəsi tapıldıqdan sonra istintaqa başlayıb.

Sputnik Azərbaycan Rusiya mətbuatına istinadla xəbər verir ki, almada iynəni Sidney sakini aşkarlayıb. Qızı üçün alma soyan qadın iynəni tapandan dərhal sonra hadisə ilə bağlı polisə məlumat verib.

"Bu mümkün olan bir şey deyil. Mən çiyələkdə iynə tapılması barədə xəbərləri görmüşdüm. Buna görə də çiyələyi kəsmişdim. Ancaq almada iynə ilə qarşılaşacağımı ağlıma gətirməzdim…" – deyə qadın bildirib.

KİV-in məlumatına görə, Yeni Cənubi Uels hüquq mühafizəçiləri eyni zamanda banandan iynə çıxması faktını da araşdırır.

Xatırladaq ki, Avstraliyanın ən azı 7 istehsalçı şirkətinin çiyələklərində tikiş iynəsi aşkarlanmışdı. Hakimiyyət meyvə yeyərkən, onu əvvəlcə kəsməyi məsləhət görüblər. Cinayətkarları 10 ilə qədər azadlıqdan məhrumetmə cəzası gözləyir.

Polis 6 ştatda meyvələrin içində iynə və sancaq tapılması faktını araşdırır. Birinci hal ötən həftə Brisbendə qeydə alınıb. Orada 21 yaşlı gənc içində iynə olan çiyələyi udandan sonra xəstəxanaya düşüb.

Avstraliyanın Kvinslend ştatının rəhbərliyi cinayətkarları tapmağa kömək edəcək şəxsə 100 min Avstraliya dolları (70 min ABŞ dolları) mükafat vəd ediblər.

Güman edildiyinə görə, “terrorçular” iynələri əvvəlcədən meyvələrin içinə yerləşdiriblər.

Əlaqədar

Bu dəhşətli terror üsulu bütün dünyanı silkələyə bilər
Teqlər:
mükafat, banan, alma, meyvə, iynə, terror, Avstraliya

Əsas mövzular