Trampın "ulduzu" sönmək üzrədir

© AP Photo / Reed SaxonThis photo shows Donald Trump's star on the Hollywood Walk of Fame that was vandalized Wednesday, July 25, 2018, in Los Angeles. Los Angeles police Officer Ray Brown said the vandalism was reported early Wednesday and someone was subsequently taken into custody. Authorities said a pickax was used in the vandalism
This photo shows Donald Trump's star on the Hollywood Walk of Fame that was vandalized Wednesday, July 25, 2018, in Los Angeles. Los Angeles police Officer Ray Brown said the vandalism was reported early Wednesday and someone was subsequently taken into custody. Authorities said a pickax was used in the vandalism - Sputnik Azərbaycan
Abunə olmaq
ABŞ-da Qərbi Hollivud Şəhər Şurası "Şöhrət xiyabanı"ndan prezident Donald Trampın ulduzunun götürülməsi barədə qərar qəbul edib

BAKI, 7 avqust — Sputnik. ABŞ-da Qərbi Hollivud Şəhər Şurası "Şöhrət xiyabanı"ndan prezident Donald Trampın ulduzunun götürülməsi təklifini səsverməyə çıxarmaq qərarına gəlib.

Sputnik Azərbaycan ABŞ mediasına istinadla xəbər verir ki, belə bir təşəbbüslə şəhər meri Con d'Amiko (John D'Amico) və Şəhər Şurasının üzvü Lindsi Horvat (Lindsey Horvath) çıxış edib. 

Donald Tramp - Sputnik Azərbaycan
Tramp Putinə etdiyi güzəştlər barədə danışdı

Onlar Trampın "qadınlara qarşı narahatlıq doğuran davranışları və digər əməllərinə" görə onun "Şöhrət xiyabanı"ndakı ulduzunu götürməyə çağırış ediblər.

Səsvermədən əvvəl açıqlama verən Qərbi Hollivud Bələdiyyə Şurası bildirib ki, ABŞ-ın film sənayesi əyləncə sektorundakı bəzi şəxslərin qadınlara qarşı davranışlarını izləyir. Beş nəfərdən ibarət Şəhər Şurasının bütün üzvləri Trampın ulduzunun götürülməsinin lehinə səs veriblər.

Trampın ulduzunun götürülməsi üçün digər səbəblər də sadalanıb. Bunların arasında Trampın Rusiyanın ABŞ-da keçirilən prezident seçkilərinə müdaxiləsi ilə bağlı Amerika kəşfiyyatının iddialarını rədd etməsi, ölkənin imzasını Paris İqlim Sazişindən geri götürməsi, trans şəxslərə əsgərliyi qadağan etməsi, ABŞ-Meksika sərhəddində mühacir ailələri bir-birindən ayırması da var.

İndiyə qədər "Şöhrət xiyabanı"ndan heç kəsin ulduzu götürülməyib. Hollivud Ticarət Palatası adları cinsi təcavüz iddialarına qarışan aktyorlar — Kevin Speysi (Kevin Spacey) və Bill Kosbinin (Bill Cosby) ulduzlarının götürülməsi ilə bağlı çağırışları rədd edib. 

Эрик Трамп - Sputnik Azərbaycan
Ailəmizi təhdid edirlər – Trampın oğlu şikayətləndi

Hollivud Ticarət Palatasının icraçı direktoru Leron Gubler deyib ki, "Xiyabana daha bir ulduz əlavə edildikdə, o, artıq "Şöhrət xiyabanı"nın bir parçası olur. Bu səbəbdən də indiyə qədər xiyabandan heç bir ulduzu götürmədik".

Trump "Şöhrət xiyabanı"ndakı ulduzu 2007-ci ildə "Kainat Gözəli" müsabiqəsinə yardım göstərdiyi üçün qazanıb. O, ABŞ prezidenti seçiləndən sonra, ulduzu dəfələrlə hücuma məruz qalıb. Sonuncu dəfə keçən ay 24 yaşlı Austin Mikel Kley adlı bir amerikalı çəkiclə Trampın ulduzuna zərər vermişdi. Ondan bir qədər əvvəl isə həmin ulduzun həndəvərində sovet hərbi forması geyinmiş iki nəfərin dolaşdığı iddia olunurdu.

"Şöhrət xiyabanı"nda 2600-dan çox adama aid ulduz var.

Xəbər lenti
0