BAKI, 20 iyul — Sputnik. Ekvadorda klip çəkilişi zamanı arzuolunmaz hadisə baş verib. Sputnik Azərbaycan xarici mətbuata istinadən xəbər verir ki, müğənnilərdən birinin şəlalə ətrafında klip çəkilişləri zamanı bir turist şəlalədən özünü atıb.
Öncə çəkiliş kollektivi hadisəni adi qarşılayıb. Amma bir neçə dəqiqə ərzində adamın sudan çıxmadığını görən çəkiliş heyəti onu xilas etməyə çalışıb. Xilasetmə səyləri nəticə verməyib, turist hadisə yerində həlak olub.
