Ərdoğan müharibə bəyanatı verdi

© AP Photo / Lefteris PitarakisTürkiyə prezidenti Rəcəb Tayyib Ərdoğan
Türkiyə prezidenti Rəcəb Tayyib Ərdoğan - Sputnik Azərbaycan
Abunə olmaq
Türkiyə prezidenti: "Heç kimdən soruşmadan Sincar, Qəndil, hətta Mahmura zərbələr endirəcəyik"

BAKI, 8 iyun — Sputnik. Əgər İraq hökuməti PKK/YPG/PYD terror qruplaşmasının öhdəsindən gələ bilməzə, onda Türkiyə İraqın üç regionu – Qəndil (Kandil), Sincar və Mahmura zərbələr endirəcək. Sputnik Azərbaycan xəbər verir ki, bunu Türkiyə prezidenti Rəcəb Tayyib Ərdoğan "CNN Türk" telekanalına müsahibəsində bildirib.

PKK əleyhinə əməliyyat - Sputnik Azərbaycan
Türkiyə tarixi qələbə qazandı: Terrorçular bölgəni qoyub qaçırlar

"Əgər rəsmi Bağdad bu problemi həll edə bilmirsə, onda biz heç kimdən soruşmadan Sincar, Qəndil, hətta Mahmura zərbələr endirəcəyik" — deyə Ərdoğan bəyan edib.

Türkiyə prezidenti vurğulayıb ki, hava hücumları istənilən an həyata keçirilə bilər.

Qeyd edək ki, iyunun 4-də Vaşinqtonda ABŞ-ın dövlət katibi Mayk Pompeo ilə Türkiyənin xarici işlər naziri Mövlud Çavuşoğlu arasında görüş olub. Türkiyə KİV-nin yaydığı məlumata görə, görüş zamanı ABŞ-la Türkiyə arasında terrorçu PKK/YPG/PYD qruplaşmasının işğal etdiyi Fərat çayının qərbindən, Suriyanın Menbiç bölgəsindən çıxmasına dair texniki razılaşma imzalanıb.

Ümumilikdə razılaşma üç mərhələdən ibarətdir. Birinci mərhələdə, PKK/YPG/PYD terrorçuları tərəflər razılaşmanı imzaladıqları vaxtdan – iyunun 4-də başlayaraq 30 gün müddətində Menbiçi tərk edəcək. İkinci mərhələdə, razılaşmadan 45 gün keçəndən sonra Türkiyə və ABŞ hərbçiləri, kəşfiyyatçılar həmin ərazini araşdırmağa başlayacaq.

Üçüncü mərhələdə isə iyunun 4-dən sonrakı 60 gün ərzində Menbiçdə yerli sakinlərdən ibarət idarəetmə orqanı formalaşdırılacaq.

Xəbər lenti
0