İran ultimatum göndərdi, Avropa ölkələri seçim qarşısındadır

© © Office of the Iranian Supreme Leader via APВерховный лидер Ирана аятолла Али Хаменеи
Верховный лидер Ирана аятолла Али Хаменеи - Sputnik Azərbaycan
Abunə olmaq
Rəsmi Tehran Avropa ölkələrini İranın raket proqramına və regional aktivliyinə müdaxilə etməməyə çağırıb

BAKI, 24 may — Sputnik. İran nüvə razılaşmasına sadiq qalmaları üçün Avropa İttifaqı ölkələrinə 7 tələb ünvanlayıb. Sputnik Azərbaycan "Al Jazeera"ya istinadən xəbər verir ki, tələbləri İranın ali dini lideri Əli Xameneyi ölkənin hakimiyyət nümayəndələri ilə görüşü zamanı bildirib.

Ильгар Велизаде - Sputnik Azərbaycan
Politoloq: “ABŞ çalışır ki, İrana qarşı atdığı addımlar sərt görünsün”

Bu şərtlər arasında Avropa bankları tərəfindən İranla ticarət sahəsində əməkdaşlığın davam etdiriləcəyinə dair zəmanətin verilməsi və Avropa İttifaqı ölkələri tərəfindən İran neftinin satışına dair zəmanətin verilməsi də var.

Bundan əlavə, rəsmi Tehran Avropa ölkələrini danışıqlar zamanı İranın raket proqramına və regional aktivliyinə müdaxilə etməməyə çağırıb. Xameneyinin sözlərinə görə, Avropa İttifaqı ölkələri İranla bağlanan nüvə sazişi üzrə onlara güvənməyin mümkün olduğunu sübut etməlidir.

Qeyd edək ki, mayın 8-də ABŞ prezidenti Donald Tramp Birləşmiş Ştatların İranla bağlanmış nüvə sazişini ləğv edib. O, İsrailin İranın nüvə fəaliyyətlərinə dair təqdim etdiyi dəlillərin Tehranın yalan danışdığını sübut etdiyini deyib. Tramp Tehranın nüvə silahı istehsalı cəhdlərini davam etdirdiyini bildirib.

ABŞ dövlət başçısı sözügedən nüvə sazişini tarixdə yol verilən ən böyük fəlakət adlandırıb.

Xəbər lenti
0