17:33 19 Yanvar 2021
Canlı yayım
  • USD1.7000
  • RUB0.0230
  • EUR2.0562
DÜNYA
Qısa URL
94 0 0

Bu gün Türkiyə prezidenti Rəcəb Tayyib Ərdoğanla MHP sədri Dövlət Baxçalı arasında görüş olacaq

BAKI, 18 aprel — Sputnik. Türkiyədə Milliyyətçi Hərəkat Partiyasının (MHP) sədri Dövlət Baxçalının 2019-cu il noyabrın 3-də keçirilməsi nəzərdə tutulan prezident və parlament seçkilərinin bu il avqustun 26-da keçirilməsi təklifi qızğın müzakirələrə səbəb olub.

Sputnik Azərbaycan "Haber7"yə istinadla xəbər verir ki, bu gün Türkiyə prezidenti Rəcəb Tayyib Ərdoğan Dövlət Baxçalı ilə görüşəcək. Bu görüşdə növbədənkənar seçkilərin müzakirə ediləcəyi gözlənilir.

Ana müxalifət Cümhuriyyət Xalq Partiyası (CHP) da bu təklifi müsbət qəbul edib.

Qeyd edək ki, "Türkiyənin 2019-cu ilin 3 noyabrına qədər dayanmağa gücü yoxdur. İstədiyiniz seçkidirsə, buyurun. 2018-ci il avqustun 26-da prezident və parlament seçkilərinin keçirilməsi xalqımızın düşmənlərinə dərs verməyin ən demokratik yoludur. Dövlətin birliyinə silah çəkənlər buna peşman edilməlidir", — deyə Baxçalı dünən bildirib.

MHP sədrinin növbədənkənar seçki təklifinə hökumətdən cavab gəlib. Baş nazirin müavini Bəkir Bozdağ bildirib ki, təklif səlahiyyətli orqanlar tərəfindən dəyərləndirilir: "Belə bir təklifin səsləndiyini yeni öyrəndim. Pərdəarxası məlumatım yoxdur. Təklif lazımi instansiyalarda dəyərləndirildikdən sonra açıqlama veriləcək".

Əlaqədar

Türkiyədə növbədənkənar prezident seçkiləri təklif edildi
"Türkiyəni Rusiyadan ayırdıq" bəyanatına cavab gəldi
Türkiyədən daha bir acı xəbər: Ölənlər və yaralanan var
Teqlər:
növbədənkənar seçkilər, Cümhuriyyət Xalq Partiyası, Milliyyətçi Hərəkat Partiyası, Dövlət Baxçalı, MHP, CHP, Rəcəb Tayyib Ərdoğan, Türkiyə

Əsas mövzular