06:14 26 Aprel 2018
Canlı yayım
Nikol Paşinyan

Yerevanda vəziyyət kəskinləşir: Polis müxalifət liderini yaraladı

© Sputnik / Asatur Yesayants
DÜNYA
Qısa URL
109 0 0

Ermənistanda müxalif "Yelk" fraksiyasının lideri Nikol Paşinyan "Nairi" tibb mərkəzinə aparılıb

BAKI, 16 aprel — Sputnik. Ermənistanda müxalif "Yelk" fraksiyasının lideri Nikol Paşinyan "Nairi" tibb mərkəzinə aparılıb. Sputnik Ermənistan-ın məlumatına görə, bunu xəstəxanadakı mənbə bildirib.

Polis mitinqçiləri parlament binasına buraxmaqdan imtina edib. Bundan sonra polislə vətəndaşlar arasında dava düşüb. Deputat Nikol Paşinyan və nümayişçilər polis kordonunu yarmağa çalışıblar.

Polisin vurduğu zərbə nəticəsində Paşinyan travma alıb və təcili yardımla xəstəxanaya çatdırılıb.

Fəalların "Facebook" səhifəsində Paşinyanın əlləri qan içində olan fotoları yayılıb.

Yerevanın Baqramyan prospektində polislə nümayişçilər arasında yaranan qarşıdurmada bir neçə nəfər xəsarət alıb. Ermənistan paytaxtında mitinq keçirən şəxslər hüquq-mühafizə orqanlarının səs bombasından istifadəsinə cavab olaraq polis kordonunu yarmağa çalışıblar.

Polislə qarşıdurma bir neçə mitinqçinin xəsarət alması ilə nəticələnib.

İnsident ondan başlayıb ki, "Vətəndaşlıq borcu" partiyasının lideri Nikol Paşinyan polisdən çoxsaylı tərəfdarlarını parlament binasına buraxmağı xahiş edib. Polis isə bundan imtina edib. Bildirib ki, Milli Məclisin binasına yalnız o, özü və fraksiyasının üzvləri daxil ola bilərlər, qalanların ixtiyarı yoxdur.

İmtina alan nümayişçilər polisə müqavimət göstərərək onun sıralarını yarıblar. Nəticədə polislə vətəndaşlar arasında dava düşüb. Mitinqçilər hakimiyyət əleyhinə müxtəlif şüarlar səsləndiriblər.

Xatırladaq ki, aprelin 16-da səhər saatlarından başlayaraq Yerevanda eks-prezident Serj Sarqsyanın baş nazir postuna namizədliyinin irəli sürülməsinə etiraz edən minlərlə adam "vətəndaş itaətsizliyi" aksiyasına başlayıblar. Bir neçə saat ərzində Paşinyan tərəfdarları Yerevanın mərkəzi küçə və meydanlarını tutublar, yollarda və metropolitendə hərəkəti iflic ediblər. Metro öz işində saatlarla fasilə etmək məcburiyyətində qalıb.

Əlaqədar

Ermənistanı kütləvi iğtişaşlar bürüyüb, etirazçılar dövlət idarələrini ələ keçirirlər
Ermənistan paytaxtında cəhənnəm yaşanır
Yerevanda etirazları daha da qızışdıracaq qərar qəbul olundu
Teqlər:
yaralanma, Nikol Paşinyan, toqquşma, Ermənistan, müxalifət, aksiya

Əsas mövzular