BAKI, 6 aprel — Sputnik. Türkiyənin Qaziantep bölgəsində metal tullantılarının olduğu yerdə partlayış baş verib. Sputnik Azərbaycan "Haber7"ə istinadla xəbər verir ki, partlayış nəticəsində 1 nəfər ölüb, çoxlu sayda insan xəsarət alıb.
Hadisə bu gün səhər saatlarında baş verib və hələlik səbəbi məlum deyil. Hadisə yerinə polis, tibb və yanğınsöndürmə briqadası cəlb edilib. 1 nəfər hadisə yerində dünyasını dəyişib. Araşdırmalar davam etdirilir.