BAKI, 4 aprel — Sputnik. "YouTube" videoportalının ABŞ-ın Kaliforniya ştatındakı baş ofisində atışma terrorçuluqla əlaqəli deyil. İlkin məlumata görə, insidentə səbəb məişət mübahisəsi olub.
Sputnik Azərbaycan-ın xəbərinə görə, silahlı qadın "YouTube" videoportalının San Bruno şəhərindəki (Kaliforniya ştatı) mənzil-qərargahında atışma törədib. O, ofisə öz sevgilisi ilə hesablaşmaq üçün gəlib. İnsident nəticəsində 3 nəfər xəsarət alıb, onlardan birinin vəziyyəti ağırdır.
Atəş açan qadının intihar etdiyi bildirilir. Digər məlumatlara əsasən, o məhv edilib.
Qeyd edək ki, "YouTube"un baş ofisində 1100 nəfər işləyir.
