BAKI, 26 mart — Sputnik. Türkiyənin Trabzon şəhərində bədbəxt hadisə baş verib.
Küçədə yeriyərkən yuxarı mərtəbədən başına mərmər düşən 55 yaşlı Yaşar Yıldırım huşunu itirərək yerə yıxılıb. Təcili xəstəxanaya aparılan Y.Yıldırım həkimlərin səylərinə baxmayaraq vəfat edib.
Sputnik Azərbaycan "Sözcü"yə istinadən xəbər verir ki, dünyasını dəyişən şəxs həm də keçmiş futbolçudur. Üç uşaq atası olan Yıldırım vaxtilə ölkənin samballı klublarından olan "Sivasspor"da illərlə futbol oynayıb. O, 6 il də "Trabzonspor" komandasında qapıçı məşqçisi vəzifəsində işləyib.
