Türkiyəyə təklif: PKK-ni birgə məhv edək

© AP PhotoPKK-Kandil
PKK-Kandil - Sputnik Azərbaycan
Abunə olmaq
"Əməliyyat gerçəkləşərsə, PKK-nın sərhədi keçmə cəhdlərinin qarşısını tamamilə alınacaq"

BAKI, 23 yanvar — Sputnik. "Rəsmi Bağdad bizə PKK-ya qarşı birgə hərbi əməliyyat təklif etdi". Sputnik Azərbaycan "Timeturk"-ə istinadən xəbər verir ki, bunu Türkiyənin xarici işlər naziri Mövlud Çavuşoğlu deyib.

Türk əsgərləri Afrinin şimal-şərqindəki Barsaya dağında, 22 yanvar 2018-ci il - Sputnik Azərbaycan
Türkiyə ABŞ-ı açıq hədəfə aldı

İraq səfəri ilə bağlı jurnalistlərə geniş məlumat verən nazir bildirib ki, İraqın şimalındakı Şenqal bölgəsinə toplanan PKK terrorçularına qarşı yeni hərbi əməliyyat keçirilə bilər: "Bağdada səfərim zamanı Şenqal və Suriya sərhədində təhlükəsizliyin təmin olunması məsələsi gündəmə gəldi. İraq ordusu bu əraziləri nəzarətə götürməyi planlaşdırır. Türk ordusu ilə birgə hərbi əməliyyat aparmaq üçün bizə təklif verdilər".

"Əməliyyat gerçəkləşərsə, PKK-nın sərhədi keçmə cəhdlərinin qarşısı tamamilə alınacaq. Ehtiyac olarsa, biz də hər cür dəstəyi verərik. PKK-nın İraqdan tam təmizlənməsi üçün əlimizdən gələni edəcəyimizi bildirdik. Onlar da "Bu təhdidə qarşı əməkdaşlıq edək" təklifini verdilər" — M.Çavuşoğlu vurğulayıb.

Xatırladaq ki, türk ordusu 4 gündür PKK terror təşkilatının Suriyadakı qolu olan PYD-yə qarşı hərbi əməliyyata başlayıb. Suriyanın şimalındakı Afrin bölgəsində 15 kənd artıq PYD-dən geri alınıb.

Xəbər lenti
0