BAKI, 27 dekabr — Sputnik. Türkiyə Qüdslə bağlı yeni "Yol xəritəsi" hazırlayıb. Sputnik Azərbaycan xəbər verir ki, Ankaranın yeni planları ölkənin rəsmi dövlət qəzeti olan "Türkiyə qəzeti"ndə dərc olunub.
Beləliklə, plana əsasən:
1. İlk hədəf Fələstin dövlətini tanıyan ölkələrin sayını artırmaq;
2. Şərqi Qüdsü Fələstinin paytaxtı kimi tanıyanların sayını artırmaq;
3. Qüdsdə müsəlmanlar üçün müqəddəs olan məkanların statusunu daha da möhkəmləndirmək;
4. Qüds şəhərinin iqtisadiyyatını daha da gücləndirmək, oradaki fələstinlilərin maddi durumunu daha da yaxşılaşdırmaq;
5. ABŞ-ı Fələsinlə İsrail arasındakı vasitəçi rolundan uzaqlaşdıraraq, onun yerinə başqa bir beynəlxalq təşkilatı oraya daxil etmək. Çünki ABŞ Qüdsü İsrailin paytaxtı kimi tanıyaraq bitərəfliyini itirib;
6. İki dövlətli həll variantının BMT və digər beynəlxalq qurumlarda müzakirəsini daha da intensivləşdirmək.
Analitiklərə görə, əgər Türkiyə bu addımları atarsa, İsrailin Qüdsü özününküləşdirmə planı uğursuzluğa düçar olacaq.
