BAKI, 26 dekabr — Sputnik. Türkiyədə fövqəladə vəziyyət rejimi gələn ilin 21 fevralında başa çatacaq.
Sputnik Azərbaycan AA-ya istinadən xəbər verir ki, bu barədə "Qanun Hökmündə Qərar" komissiyası açıqlama verib.
"FETÖ-yə üzvlükdə şübhəli bilindiyi üçün işdən çıxarılan məmurlar, təqaüdləri kəsilən tələbələr, rütbələri əlindən alınan keçmiş hərbçilər 21 fevral 2018-ci il tarixinədək "Qanun Hökmündə Qərar" komissiyasına müraciət edə bilərlər" — açıqlamada qeyd olunub.
Xatırladaq ki, Türkiyədə fövqəladə vəziyyət rejimi 15 iyul 2016-cı il dövlət çevrilişinə cəhddən sonra 20 iyul 2016-cı ildən tətbiq edilir.