BAKI, 29 oktyabr — Sputnik. Kürd muxtariyyətinin rəhbəri Məsud Bərzani noyabrın 1-də istefaya gedəcəyini bəyan edib.
Sputnik Azərbaycan-ın Sözçü-yə istinadən verdiyi xəbərə görə, yeni lider seçilənədək muxtariyyət rəhbərinin səlahiyyətlərini bölgə hökuməti, parlamenti və məhkəmə instansiyaları birgə icra edəcəklər.
Məsud Bərzani bölgəni 2005-ci ildən idarə edir.
İraq ordusu kürdlərin nəzarətində olan ərazilərin bir hissəsini ələ keçirdikdən sonra yerli müxalifət Bərzaninin istefasını tələb edib.
