İraq Kürdüstanı rəhbərliyi geriyə addım atır?

© REUTERS / Azad Lashkariİraqın şimalındakı Kürdüstan Muxtar Vilayətinin baş naziri Neçirvan Bərzani
İraqın şimalındakı Kürdüstan Muxtar Vilayətinin baş naziri Neçirvan Bərzani - Sputnik Azərbaycan
Abunə olmaq
Bərzani deyib ki, Türkiyə ilə sərhəddəki Habur sərhəd məntəqəsi bağlanmayıb və gediş-gəlişlər həmişə olduğu kimi davam edir

BAKI, 25 sentyabr — Sputnik. İraqın şimalındakı Kürdüstan Muxtar Vilayətinin baş naziri Neçirvan Bərzani, bugünkü müstəqillik referendumu ilə bağlı açıqlama verib. Sputnik Azərbaycan "Timeturk"-ə istinadən bildirir ki, N.Bərzani referendumu keçirməklərinə baxmayaraq, yeni dövlət qurmayacaqlarını deyib.

"Biz bu gün, yəni 25 sentyabrda referendum keçirirksə, bu o demək deyil ki, sabah dövlət quracağıq. Belə bir şey yoxdur. Əksinə biz demək istəyirik ki, müstəqillik referendumunun Türkiyəyə heç bir təhlükəsi yoxdur. Ümid edirik ki, Ankaradakı rəsmilər bizi anlayır" — baş nazir qeyd edib.

Bərzani həmçinin vurğulayıb ki, Türkiyə ilə sərhəddəki Habur sərhəd məntəqəsi bağlanmayıb və gediş-gəlişlər həmişə olduğu kimi davam edir.

Xatırladaq ki, bu gün səhər bəzi media qurumları Türkiyənin referenduma cavab olaraq, Habur sərhəd keçid məntəqəsini bağladığını açıqlamışdı.

Xəbər lenti
0