BAKI, 17 avqust — Sputnik. Səudiyyə Ərəbistanı kral ailəsinin nümayəndəsi şahzadə Bəndər bin Fəhd bin Saad bin Əbdürrəhman əl Səud vəfat edib.
Sputnik Azərbaycan-ın Rusiya mətbuatıına istinadən verdiyi xəbərə görə, bu barədə kral evinin mətbuat xidməti məlumat yayıb.
Şahzadə bu gün dəfn ediləcək.
Qeyd edək ki, Bəndər bin Fəhd 2017-ci ildə Səudiyyə kral ailəsinin vəfat edən üçüncü şahzadəsidir. Belə ki, mayda kral Salman bin Əbdüləziz əl Səudun 90 yaşlı qardaşı Maşal bin Əbdül Əziz, bir həftə əvvəl isə 26 yaşlı Salman bin Saad bin Abdulla bin Türki əl Səud vəfat edib.
