Zenit-raket kompleksinin qida blokunu satan erməni hərbçi saxlanılıb

© Sputnik / Ulyana Solovyeva / Mediabanka keçid"İqla" daşınan zenit-raket kompleksi
İqla daşınan zenit-raket kompleksi - Sputnik Azərbaycan
Abunə olmaq
"İqla" zenit-raket kompleksinin qida blokunu satmaq istəyən erməni hərbçi saxlanılıb

BAKI, 2 avqust — Sputnik. Azərbaycanın işğal olunmuş ərazilərində yerləşən Ermənistan silahlı qüvvələrinin hərbi hissələrindən birində insident baş verib.

APA-nın məlumatına görə, "İqla" daşınan zenit-raket kompleksinin qida blokunu oğurlayıb satmaq istəyən əslən yezidi kürdü olan Valodya Sloyan adlı hərbi qulluqçu saxlanılıb.

Ələ keçdiyini görən V.Sloyan kompleksin qida blokunu yararsız hala salmağa nail olub. İlkin araşdırma zamanı blokun xarab olduğunu və təmir etdirmək üçün götürdüyünü deyən V. Sloyan sonradan komandirin tapşırıqlarını yerinə yetirmək üçün pul lazım olduğundan qida blokunu satmaq məcburiyyətində qaldığını bildirib.

Hazırda Xankəndində yerləşən hərbi istintaq baş idarəsində faktla bağlı araşdırma aparılır.

Xəbər lenti
0