BAKI, 21 iyul — Sputnik. ABŞ öz vətəndaşlarına Şimali Koreyaya getməyə qadağa qoyub. Sputnik Azərbaycan bu barədə "İndependent"-ə istinadən xəbər verir.
Məlumatı mediaya "Young Pioneer Tours" turizm şirkəti çatdırıb.
"Bizdə olan məlumata görə, ABŞ hökuməti vətəndaşlarına Şimali Koreyaya səfər etməyə icazə verməyəcək. Gözlənilir ki, qadağa 30 gündən gec olmayaraq iyulun 27-dən sonra qüvvəyə minəcək. 30 gündən sonra Şimali Koreyaya gedən ABŞ vətəndaşının pasportu ləğv olunacaq" — şirkətin məlumatında qeyd olunur.
