BAKI, 19 aprel — Sputnik. Türkiyə Yüksək Seçki Komissiyasının (YSK) aprelin 16-da baş tutan referendumun nəticələrinin ləğvi üçün edilmiş müraciət əsasında iclası keçirilib.
Sputnik Azərbaycan-ın məlumatına görə, Komissiya referendumun nəticələrinin ləğvi üçün edilmiş müraciətləri rədd edib. Bu qərarın lehinə 10, əleyhinə 1 nəfər səs verib.
Qeyd edək ki, Cümhuriyyət Xalq Partiyası, HDP və Vətən Partiyası Konstitusiya dəyişikliyi ilə əlaqədar keçirilən referendumun nəticələrinin ləğvi üçün Yüksək Seçki Komissiyasına müraciət edib.
