BAKI, 14 apr — Sputnik. "CHP sədri Kamal Kılıçdaroğlunun hansı səbəblərlə 6-cı Hərbi Hava Qüvvələri bazasında mərasimlə qarşılandığı araşdırılmaqdadır". Sputnik Azərbaycan "Sözcü"yə istinadən xəbər verir ki, bu barədə Türkiyə Silahlı Qüvvələrinin Baş Qərargahı məlumat yayıb.
"13 aprel tarixində, Cümhuriyyət Xalq Partiyasının (CHP) lideri, hörmətli Kamal Kılıçdaroğlu, hələ də tam aydın olmayan səbəblərdən hərbi bazada, generallar tərəfindən mərasimlə qarşılanıb. Türkiyə Silahlı Qüvvələri olaraq, bu məsələni araşdırmaqdayıq" — bəyanatda bildirilir.
