BAKI, 16 mart — Sputnik. Amerika Birləşmiş Ştatları BMT-nin İnsan Haqları Şurasından çıxa bilər. Sputnik Azərbaycan Anadolu Agentliyinə istinadən xəbər verir ki, bu barədə ABŞ-ın dövlət katibi Reks Tillerson açıqlama verib.
"Düzdür, BMT-nin İnsan Haqları Şurası bu sahədə dünyada bənzəri olmayan yeganə təşkilatdır. Ancaq bizim orada qalmağımızı istəyirlərsə, islahatlar olmalıdır. Əgər lazımi islahatlar olmasa, Amerika şuradan ayrılmağı düşünür" — deyə dövlət katibi bildirib.
Reks Tillerson, Şuranın son vaxtlar İsrail əleyhinə çıxışlarından narahat olduqlarını da qeyd edib. Xatırladaq ki, Birləşmiş Millətlər Təşkilatının İnsan Haqları Şurası İsrail hökumətini sərt tənqid edərək, işğal etdiyi Fələstin torpaqlarında yəhudi məskənləri salınmasını dayandırmağı tələb etmişdi.
