BAKI, 15 mart — Sputnik. Bu gün Niderland Krallığında parlamentə seçkilər keçirilir. Sputnik xəbər verir ki, 28 partiya parlamentdəki 150 yer uğurunda mübarizə aparır.
Məlumata görə, radikal millətçi Gert Vildersin Azadlıq Partiyası qələbəyə daha yaxındır. Seçkidən öncə keçirilən rəy sorğuları bunu deməyə əsas verir.
Bununla belə, hazırki baş nazir Mark Ruttenin Azadlıq və Demokratiya Uğurunda Xalq Partiyasının da şansı az deyil. Ümumiyyətlə yarışın bu iki partiya arasında keçəcəyi gözlənilir.
