BAKI, 3 mart — Sputnik. İraqın şimalında kürd silahlı qüvvələri arasında şiddətli döyüşlər başlayıb. Sputnik Azərbaycan bu barədə Milliyet-ə istinadən xəbər verir.
Məlumata görə, İraqdakı Kürd Muxtariyyətinin rəhbərliyi PKK terror təşkilatına bağlı YBS-dən Rojava qəsəbəsini tərk etməsini istəyib. Buna qarşı çıxan YBS, mərkəzi Ərbil hökumətinə bağlı peşmərgə əsgərlərinə silah çəkib. Bunun üzərinə tərəflər arasında şiddətli döyüşlər başlayıb. Ölən və yaralananlar var.
Analitiklər, kürdlər arasında yaşanan qarşıdurmanı marksist-leninçi düşüncə ilə İslami inanc sahibləri arasında bir savaş olaraq görür. Belə ki, PKK-YBS qurulduğu gündən bu yana marksist-leninçi ideologiyasını mənimsəyib. Peşmərgə ordusunun bağlı olduğu Ərbil rəhbərliyi isə İslami dəyərləri ön planda tutaraq siyasət aparır.
Başqa bir iddia isə tərəflərin hakimiyyət uğrunda mübarizə aparmasıdır.
