BAKI, 13 fev — Sputnik. Pakistanın Lahor şəhərində güclü partlayış baş verib. Partlayış nəticəsində 13 nəfər ölüb, 83 nəfər isə xəsarət alıb. Sputnik Azərbaycan-ın RİA Novosti-yə istinadən verdiyi məlumata görə, polis insidenti terror aktı kimi qiymətləndirib.
Hücuma görə məsuliyyəti "Taliban" hərəkatının Pakistan qolu ilə əlaqəli "Camaat-ul-Əhrar" qruplaşması öz üzərinə götürüb.
Partlayış etiraz aksiyası zamanı baş verib. Üzərində partlayıcı qurğu olan şəxs motosikletini etirazçıların üzərinə sürüb. Aksiya iştirakçıları hökumətin dərman satışına dair qanunvericiliyə etdiyi dəyişikliklərə etiraz edirmişlər.
