FED-də “Tramp” zəlzələsi

© AP Photo / Andrew HarnikABŞ Mərkəzi Bankı (FED) idarə heyətinin üzvü Daniel Tarullo
ABŞ Mərkəzi Bankı (FED) idarə heyətinin üzvü Daniel Tarullo - Sputnik Azərbaycan
Abunə olmaq
FED-in idarə heyətinin üzvü Tarullonun istefası Trampın maliyyə tənzimlənməsinin zəiflədilməsi ilə bağlı fərmanından bir həftə sonra baş verib

BAKI, 11 fev — Sputnik. ABŞ Federal Ehtiyatlar Sistemi (FED) idarə heyətinin üzvü Daniel Tarullo vəzifəsindən istefa verib. Sputnik Azərbaycan bloomberg-ə istinadla xəbər verir ki, FED-in maliyyə aktlarına məsul olan ən üst səviyyə idarəçisi Tarullonun istefası, Trampın maliyyə tənzimlənməsinin zəiflədilməsi ilə bağlı fərmanından bir həftə sonra baş verib.

FED-dən verilən yazılı açıqlamaya görə, Daniel Tarullo bu ilin aprelin 5-də işindən ayrılmağı ilə bağlı ərizə verib.

Tarullo FED-in yoxlama və tənzimləmə komitəsinin sədridir. O, 2008-ci il maliyyə böhranından sonra Amerika maliyyə sistemini möhkəmləndirmək üçün həyata keçirilən islahatın hazırlanmasına rəhbərlik edib. 

ABŞ Federal Ehtiyat Sisteminin yerləşdiyi bina - Sputnik Azərbaycan
FED 4 dəfə faiz artımına gedəcək

Vəzifə müddəti 2022-ci ildə bitəcək Tarullonun istefası, Trampın ölkədəki maliyyə tənzimlənməsinin zəiflədilməsinə yönələn addımından bir həftə sonra gəlib.

FED-in idarə heyətinin mövcud üzvləri, o cümlədən Daniel Tarullo ABŞ-ın 44-cü prezidenti Barak Obama tərəfindən seçilmişdi.

Qeyd edək ki, FED-in idarə heyəti üzvlərinin ABŞ prezidenti tərəfindən namizəd göstərildikdən sonra Senatda təsdiqlənməsi lazımdır.

Xəbər lenti
0