18:55 16 Noyabr 2018
Canlı yayım
  • USD1.7000
  • RUB0.0258
  • EUR1.9267
Ərdoğan və Bəşər Əsəd, 11 oktyabr 2010-cu il

Əsəd rejimindən Türkiyə ilə bağlı sensasiyalı etiraf

© AFP 2018 / LOUAI BESHARA
DÜNYA
Qısa URL
1116910

"Türkiyədəki terror aktlarının qarşısını yalnız Suriya rejimi ilə əməkdaşlıq yolu ilə almaq olar"

BAKI, 6 yan — Sputnik. Bəşər Əsəd rejiminin kəşfiyyatçıları İŞİD terrorçuları arasına sızıblar və onları idarə edirlər. Sputnik xarici KİV-lərə istinadla xəbər verir ki, bu barədə Suriya telekanalına Bəşər Əsədin rəhbərlik etdiyi "Bəəs" partiyasının nəzarətində olan Suriya parlamentinin baş katibi Xalid Abbud açıqlama verib.

Abbudun bəyanatı Ankaraya xüsusi mesaj kimi qiymətləndirilir. Burada əsas vurğu ondan ibarətdir ki, İŞİD-in Türkiyədə törətdiyi terror aktlarının qarşısını ancaq Bəşər Əsəd rejimi ilə əməkdaşlıq nəticəsində almaq mümkündür.

Baş katibin sözlərinə görə, İŞİD qərargahı, "Ən-Nüsra Cəbhəsi" və digər qruplaşmalar Dəməşqə bağlıdır: "Belə bir sual ortaya çıxır: niyə partlayışlar Dəməşqdə yox, Türkiyənin ayrı-ayrı əyalətlərində baş verir? Mən bu mövzuda əvvəllər də danışmışam".

Abbudun sözlərinə görə, Əsəd rejiminin kəşfiyyat və təhlükəsizlik qüvvələrinin nümayəndələri İŞİD terrorçuları arasına sızmağı bacarıblar və Türkiyədəki teraktların qarşısını yalnız Suriya rejimi ilə əməkdaşlıq yolu ilə almaq olar. Baş katib əmindir ki, Əsəd rejiminin Türkiyə və İordaniyada baş verən hadisələrlə bağlı ətraflı məlumatları var.

İŞİD-in Türkiyəyə qarşı törətdiyi terror aktlarının sayı 24 avqust 2016-cı ildə başlamış "Fərat qalxanı" əməliyyatından sonra nəzərəçarpacaq səviyyədə artıb. "Fərat qalxanı" antiterror əməliyyatları avqustun 24-dən etibarən Suriyanın şimalında Türkiyə HHQ-nin dəstəyi ilə davam edir.

Türkiyənin bu əməliyyatlarda iştirak hüququ beynəlxalq səviyyədə tanınıb. Məqsəd Türkiyənin özünümüdafiəsi və ərazilərini, başda İŞİD olmaqla terror qruplaşmalarının hücumlarından qorumaqdır. Əməliyyatlar çərçivəsində Türkiyənin sərhəd bölgələrinin terrorçulardan təmizlənməsi, humanitar yardımlarla təchizatı və İŞİD-lə mübarizəyə dair beynəlxalq missiyanı dəstəkləmək qarşıya qoyulub.

Əlaqədar

Rus ordusunun bir hissəsi Suriyadan çəkilir
Suriyada daha bir türk əsgəri şəhid olub
Putin və Ərdoğan Suriyadakı atəşkəs razılaşmasını müzakirə ediblər
Suriyalı uşaqlarla bağlı gözyaşardıcı video yayıldı
Suriyada şəhid olan türk əsgərinin sayı 16-ya çatıb
Suriya böhranına dair ortaq bəyannamə qəbul edildi
Türk ordusu Suriyada daha bir şəhid verdi
"Suriya zirvəsi"nin vaxtı dəyişdi
Teqlər:
Xalid Abbud, "Fərat qalxanı", əməliyyat, Bəşər Əsəd, Suriya, Türkiyə, kəşfiyyat, rejim, terror, İŞİD

Əsas mövzular