23:22 23 İyul 2021
Canlı yayım
  • USD1.7000
  • EUR2.0009
  • RUB0.0231
DÜNYA
Qısa URL
140 0 0

Mövlud Çavuşoğlu: "İŞİD-ə qarşı mübarizədə türk ordusuna dəstək verməyən ölkələrin İncirlik bazasında qalmalarının mənası yoxdur"

BAKI, 6 yan — Sputnik. "İncirlik hərbi bazasının bağlanması gündəmdə deyil. Amma İŞİD-ə qarşı mübarizədə Türkiyə Silahlı Qüvvələrinə dəstək verməyən ölkələrin ordularının bu bazada qalmasının mənası yoxdur".

Sputnik "Sabah" qəzetinə istinadən xəbər verir ki, bu açıqlamanı Türkiyənin xarici işlər naziri Mövlud Çavuşoğlu verib. "Biz İŞİD-ə qarşı vacib mübarizə aparırıq, lakin son zamanlar koalisiyanın havadan dəstəyini görmürük. Madam İŞİD ilə mübarizə üçün koalisiya qurduq, Türkiyə də öz ərazisindən istifadə üçün yer təmin etdi, bəs nə üçün dəstək olmursunuz? Məqsəd nədir, nə istəyirsiniz?", — nazir sual edib.

"Hal-hazırda Rakkadan Əl Bab istiqamətinə əlavə qüvvə olaraq gələn İŞİD ünsürləri var. Onların koordinatlarını veririk. Niyə vurmursunuz?" — Çavuşoğlu əlavə edib.

Türk rəsmilərin İncirliklə bağlı narahatlığını dilə gətirməsindən sonra açıqlama verən ABŞ Müdafiə Nazirliyinin sözçüsü Piter Kuk, ölkəsinin və ABŞ-ın rəhbərliyindəki koalisiyanın, Adana vilayətindəki İncirlik bazasından istifadəyə görə Türkiyəyə minnətdar olduğunu və bunun davam edəcəyinə ümid etdiklərini söyləyib. Kuk, xarici işlər naziri Mövlud Çavuşoğlu və müdafiə naziri Fikri İşıqın "ABŞ-ın İncirlik bazasından istifadə edib Türkiyənin Əl Bab əməliyatlarına dəstək verməməsinin düşündürücü olduğu" barədəki sözlərinə də cavab verib.

"İncirlik bazasının nə qədər vacib olduğunu və koalisiyanın bundan minnətdarlıq duyduğunu dünən polkovnik Dorriandan eşitdiniz. İŞİD-ə qarşı aktiv mübarizədə Türkiyə ilə görüşlərimiz davam edir. Bununla bağlı detalları açıqlamaq düzgün deyil. İncirlik bazasından əməliyyatlar həyata keçirilir və bunların davam etdirilməsini istəyirik", — Pentaqon sözçüsü vurğulayıb.

Əlaqədar

"ABŞ imkan verməz ki, Rusiya-Türkiyə-İran üçlüyü onun planını pozsun"
Türkiyə ABŞ-dakı vətəndaşlarına xəbərdarlıq etdi
ABŞ-dan Türkiyə ilə bağlı terror xəbərdarlığı
ABŞ mediasında Türkiyə ilə bağlı çağırış
Kritik Türkiyə - ABŞ danışıqları başlayır
Türkiyə ABŞ-dan Fətullah Gülənin həbsini tələb etdi
Türkiyə ABŞ-ın İncirlikdəki hərbi bazasını bağladı
Teqlər:
Piter Kuk, baza, İncirlik, Pentaqon, Mövlud Çavuşoğlu, Türkiyə, ABŞ, İŞİD

Əsas mövzular