BAKI, 4 yan – Sputnik. “Terrorçu belə olsa, onu silahla vurmağa ixtiyarımız yoxdur. Bunun üçün bizə rəsmi icazə kağızı verilməlidir”.
Sputnik Milliyet-ə istinadən xəbər verir ki, bu sözləri yeni il gecəsi terror hücumuna məruz qalan İstanbulun “Reina” gecə klubunun mühafizəsini təşkil edən 'Deltavip' Xüsusi Təhlükəsizlik Şirkətinin rəhbəri Orhan Özcan deyib.
Klub içində və çölündə silahdan istifadəyə icazələrinin olmadığını söyləyən O. Özcan “qanunla idman müsabiqələri, konsert və spirtli müəssisələrdə silah istifadəsi qadağandır. Yəni əgər o gecə qorucular atəş aça bilməyibsə, səbəb rəsmi icazənin olmamasıdır”, deyib.
