13:47 14 İyul 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
İraq-Türkiyə gərginliyi (9)
58 0 0

Rəsmi Bağdad türk ordusunun ölkəni tərk etməsi tələbi ilə BMT Təhlükəsizlik Şurasını təcili toplanmağa çağırıb

BAKI, 6 okt — Sputnik. İraq hökuməti ilə Türkiyə arasındakı gərginlik pik həddə çatıb. Sputnik Milliyet-ə istinadən xəbər verir ki, İraq Xarici İşlər Nazirliyi Türkiyə ilə bağlı BMT Təhlükəsizlik Şurasını təcili toplantıya çağırıb.

Rəsmi Bağdad ölkənin şimalındakı Başika düşərgəsində Türkiyə hərbçilərinin mövcudluğunu ölkənin suverenliyinin pozulması kimi qiymətləndirib və Ankaranı İraqın daxili işlərinə qarışmaqda günahlandırıb. İraq BMT Təhlükəsizlik Şurasında Türkiyənin Mosul yaxınlığındakı Başika düşərgəsindəki hərbi qüvvəsinin mövcudluğu və iki gün əvvəl Türkiyə parlamentinin ölkə sərhədlərindən kənarda hərbi əməliyyatların aparılması ilə bağlı qərarının müzakirə olunmasını istəyib.

Bir gün öncə isə İraq parlamenti Başika düşərgəsindəki Türkiyə hərbi qüvvələrini işğalçı kimi dəyərləndirən qərar qəbul edib. Parlament, hökuməti türk ordusunun İraqdan çıxarılması üçün təcili BMT Təhlükəsizlik Şurasına müraciət etməyə çağırıb.

Gözlənilən addım isə bu gün gerçəkləşib. İraq rəsmən BMT Təhlükəsizlik Şurasını təcili toplantıya çağırıb. Rəsmi Bağdad, türk əsgərlərin ölkədən çıxmasını tələb edir.

İraqın bu addımına Türkiyənin cavabı gecikməyib. Baş nazir Binəli Yıldırım türk əsgərlərinin heç yerə tərpənməyəcəyini, Başika düşərgəsində qalacağını söyləyib. Nazir öz fikrini bu cümlələrlə tamamlayıb: "İraqda 63 dövlətin hərbçiləri təmsil olunur və onlar terrorla mübarizə aparırlar. Həmçinin də türk ordusu. Təəssüflər olsun ki, İraq və Suriyada davam edən qarşıdurma ucbatından, Türkiyə terrordan əziyyət çəkir. Açıq şəkildə bir daha bəyan edirəm, İraqda vəziyyət stabilləşməyənədək türk ordusu bu ölkədə qalmağa davam edəcək".

Mövzu:
İraq-Türkiyə gərginliyi (9)

Əlaqədar

ABŞ: "Türk ordusunun İraqdakı varlığı qanunsuzdur"
Türkiyə ilə İraq arasında siyasi qalmaqal yaşanır
Türkiyə ordusu daha 13 ay İraq və Suriyada qalacaq
İraqın Baş naziri Türkiyənin ünvanına "od püskürdü"
Türkiyə ordusu İraq ərazisinə daxil olub
İraqa gözlənilməz səfər
İraq prezidenti İlham Əliyevdən kömək istəyib
Teqlər:
toplantı, Bağdad, BMT Təhlükəsizlik Şurası, İraq, Ankara, Türkiyə

Əsas mövzular