BAKI, 6 okt — Sputnik. Birləşmiş Ştatların bir çox əyalətlərini ağuşuna alan Metyu qasırğası ucbatından 1600 aviareys təxirə salınıb. Sputnik The Guardian-a istinadən xəbər verir ki, bu barədə "American Airlines" aviaşirkəti məlumat yayıb.
Şirkətdən bildirilib ki, uçuşların ləğvi Mayami Beynəlxalq Hava Limanına, Fort Loderdeyl — Hollivud aeroportuna və Palm Biç hava limanına şamil edilir. Məlumatda o da qeyd olunur ki, uçuşlar oktyabrın 7-də bərpa ediləcək.
