Türkiyədən Ermənistanla bağlı qəti tələb

© AP Photo / Burhan OzbiliciBerat Albayraq
Berat Albayraq - Sputnik Azərbaycan
Abunə olmaq
Berat Albayrak: "Ermənistanın Metsamor Atom Elektrik Stansiyası dərhal bağlanmalıdır"

BAKI, 27 sen — Sputnik. "Dünyanın və bölgəmizin ikinci Çernobıl faciəsini yaşamaması üçün Ermənistandakı Metsamor Atom Elektrik Stansiyası bağlanmalıdır".

Metsamor AES - Sputnik Azərbaycan
"Metsamor" AES-in doğurduğu təhlükələr AEBA rəhbəri ilə müzakirə edilib

Sputnik Sözcü-yə istinadən xəbər verir ki, bunu Türkiyənin energetika və təbii ehtiyatlar naziri Berat Albayrak, Vyanada Atom Enerjisi üzrə Beyənəlxalq Agentliyin (AEBA) Baş Konfransındakı çıxışı zamanı deyib: "Ermənistanın Metsamor Atom Elektrik Stansiyası dərhal bağlanmalıdır. Bu stansiya, seysmik bölgədə yerləşdiyindən, region, xüsusilə Türkiyə üçün təhlükə mənbəyidir".

Qeyd edək ki, Ermənistan AES 47 il əvvəl tikilib. Stansiya Türkiyə sərhədindən 16 km aralıda yerləşir. Bu ilin əvvəlində Rusiyanın ayırdığı 270 milyon dollar məbləğində kreditin və 30 milyon dollarlıq qrantın hesabına 2017-ci ilin yazında AES-in əsaslı təmir üçün 3-4 ay müddətinə dayandırılacağı haqda məlumat yayılmışdı.

Xatırladaq ki, Azərbaycan və Türkiyə rəsmiləri, ictimai təşkilatları Ermənistan AES-in bölgəni radioaktiv tullantılarla çirkləndirdiyini dəfələrlə bildirib və stansiyanın bağlanmasını beynəlxalq təşkilatlardan tələb ediblər.

Xəbər lenti
0