BAKI, 22 sen — Sputnik. Obama administrasiyası ABŞ-ın məşhur "Boeing" aviaşirkətinə İrana təyyarə satmağa icazə verib. Sputnik "Wall Street Journal"-a istinadən bildirir ki, şirkət yayılan məlumatı təsdiqləyib.
"Hökumət bizə icazə verib və hazırda "İran air" şirkəti ilə danışıqlar aparırıq" — deyə "Boeing"dən bildirilib.
Qeyd edək ki, İran amerikan şirkətindən yüzdən artıq "Boeing" almaq niyyətindədir. Bu təyyarələrin ümumi dəyəri 25 milyard dollardır.
