BAKI, 19 iyul — Sputnik. Məşhur "Kurtlar vadisi" teleserialında Polad Ələmdar rolunun ifaçısı Necati Şaşmaz Türkiyə prezidenti Rəcəb Tayyib Ərdoğana dəstək verərək hərbi çevriliş cəhdinə etiraz edib. Sputnik "Hürriyet" qəzetinə istinadla xəbər verir ki, Şaşmaz Türkiyə Prezidentinin çıxışına canlı şəkildə qulaq asmaq üçün onun Kısıklıdakı evinin qabağına gəlib.
Türk aktyoru, prodüseri və iş adamı Necati Şaşmaz
© Photo : hurriyet.com.tr
Ərdoğanın nitqini diqqətlə dinləyən aktyor, ətrafdakı vətəndaşlarla çoxlu şəkil çəkdirib. "Çevriliş cəhdinə etiraz edirəm. Biz azad insanlarıq. Burada yoldaşlar lazım olan fikirləri söyləyirlər. Hörmətli prezidentimizin çıxışına qulaq asdım. Hər kəs demokratiyaya sahib çıxmalıdır", — deyə Şaşmaz jurnalistlərə bildirib.
