Bunu da gördük: ən sürətli qəbir qazma yarışı keçirilib

BAKI, 8 iyun — Sputnik. Macarıstanda təşkil edilən bir çempionat bəlkə də dünyanın ən maraqlı yarışı ola bilər. Sputnik milliyet-ə istinadla xəbər verir ki, bu ölkədə ən sürətli qəbir qazma yarışı keçirilib.

© Photo : Milliyet

Qəbirdən tapılan skelet arxeoloqları şoka salıb

Macarıstanın Debrecen şəhərində, hər biri 2 nəfərdən ibarət 18 komanda ən sürətli məzar qazma üzrə yarışıb. "Qəbir qazmanın prestijini artırmaq və daha çox gənci bu peşəyə təşviq etmək" məqsədi ilə keçirilən yarışın qalibi ev sahibi olan Debrecen şəhərinin komandası olub. Bu komanda yarım saatdan az bir müddətdə qazma əməliyyatını tamamlayaraq birinci olub.

Macarıstan Cənazəçilər Birliyinin rəhbəri Zoltan Juracsik bu yarışın qorxunc bir iş olmadığını deyib. "Bu, professional bir işdir", — baş cənazəçi deyib.

Qalib gələn komanda beynəlxalq turnirdə Polşa, Slovakiya və Çex Respublikasına qarşı yarışacaq.