07:01 21 Yanvar 2021
Canlı yayım
  • USD1.7000
  • RUB0.0230
  • EUR2.0562
DÜNYA
Qısa URL
1801

G7 zirvəsi öncəsi Yaponiyada 10 minlərlə polis səfərbər edilib. Sammit Yaponiyanın Sakit okeanda yerləşən Kasikodzima adasında baş tutacaq.

BAKI, 25 may — Sputnik. Böyük yeddilik (G7) ölkələrinin 26-27 may tarixlərində Yaponiyada keçiriləcək sammiti öncəsi təhlükəsizlik tədbirləri ən üst səviyyəyə çatdırılıb. Sammit Yaponiyanın Sakit okeanda yerləşən Kasikodzima adasında baş tutacaq.

Sputnik Guardian-a istinadən xəbər verir ki, yığıncağın keçiriləcəyi yerdən 300 km. şimal-şərqdə yerləşən Tokioda küçə və müxtəlif obyektlərin mühafizəsi üçün 19 min polis səfərbər edilib. Vağzallar, ticarət mərkəzləri və insanların sıx olduğu başqa yerlərdə onlar cüt-cüt, əksər hallarda isə bir-birilərindən cəmi bir neçə on metr məsafədə gəzib-dolaşacaqlar. İse-Sima milli parkının yerləşdiyi Mie və ona bitişik Ayti perfekturalarına Yaponiyanın müxtəlif rayonlarından 23 min polis əməkdaşı cəlb olunub.

Onlar keşik çəkməklə yanaşı, keçib gedən avtomobilləri yoxlamaq üçün qurulacaq çoxsaylı blok-postlarda məşğul olacaqlar. Sammitin keçirildiyi yeri dənizdən 100-ə yaxın sahil mühafizə katerləri mühasirəyə alacaq.

Əraziyə Yaponiya Hərbi Dəniz Qüvvələrinin su basımı 19,5 ton olan "İdzumo" böyük vertolyotdaşıyan gəmisi də daxil olmaqla raket esminesləri yaxınlaşdırılıb. İse-Sima ərazisinin hava məkanı uçuşsuz zonadır və onun səmasına radar və döyüş təyyarələri nəzarət edir.

Əlaqədar

G7 zirvəsində Rusiyaya qarşı sərt bəyanatlar
Tusk: G7-də Rusiyanın qayıtmasını istəyirlər
G7 sammiti öz işinə başlayır
Yaponiya İŞİD-ə qarşı beynəlxalq koalisiyaya qoşulmaqdan imtina edib
Yaponiya Marsda gələcək bazanın tikintisi üçün robotlar hazırlayacaq
Yaponların fövqəladə uğurlarının sirri nə idi
Teqlər:
G7, Böyük yeddilik, təhlükəsizlik, Yaponiya, sammit

Əsas mövzular