00:23 26 Oktyabr 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
3602

"Edam cəzasını ləğv etmiş bir ölkə olaraq keçmişin yaralarının bu üsullarla sarılmasının mümkün olmadığını və bunun banqladeşli qardaşlarımız arasında kin və nifrəti körükləyəcəyini hesab edirik"

BAKI, 12 may — Sputnik. Türkiyə Banqladeşdə "İslam camaatı" təşkilatının lideri, 73 yaşlı Motiur Rahman Nizaminin edam olunmasına sərt etirazını bildirib. Sputnik Timeturk-ə istinadən xəbər verir ki, Türkiyə Banqladeşdəki səfiri Devrim Öztürkü məsləhətləşmələr üçün geri çağırıb.

D. Öztürk Ankaraya qayıtdıqdan sonra prezident Rəcəb Tayyib Ərdoğan və xarici işlər naziri Mövlud Çavuşoğlu ilə görüşəcək. Səfirin Türkiyədə nə qədər qalacağı bəlli deyil.

Türkiyə XİN-in açıqlamasında, Banqladeşdə daha əvvəl sənaye və kənd təsərrüfatı naziri vəzifəsində çalışmış Rahman Nizaminin belə bir cəzaya layiq olmadığı bildirilib: "Edamı şiddətlə qınayır, mərhuma Allahdan rəhmət diləyirik. Banqladeşdə edam cəzalarının təxirə salınması üçün bu ölkə rəhbərliyinə dəfələrlə yüksək səviyyələrdə çağırış etmiş, cəzaların həyata keçirilməsinin toplumda yeni gərginliklərə yol açacağı ilə bağlı narahatlığımızı bildirmişdik".

"Edam cəzasını ləğv etmiş bir ölkə olaraq keçmişin yaralarının bu üsullarla sarılmasının mümkün olmadığını və bunun banqladeşli qardaşlarımız arasında kin və nifrəti körükləyəcəyini hesab edirik", — deyə Türkiyə XİN bəyan edir.

Qeyd edək ki, Banqladeşin ən böyük islam partiyasının lideri olan Motuir Rahman Nizami 1971-ci ildə müstəqillik mübarizəsi sırasında Pakistanla əməkdaşlığa gedərək soyqırım və hərbi cinayətlər törətməkdə ittiham olunurdu. Üç ayrı cinayətdə suçlanan Nizaminin 480 nəfərin ölümündə rol oynadığı bildirilib.

O, xüsusi məhkəmədə mühakimə olunaraq edama məhkum edilib. Xatırladaq ki, 1971-ci ildə Pakistanın şərqi və qərbi arasında başlayan vətəndaş müharibəsi ölkənin parçalanması və Banqladeş dövlətinin qurulması ilə nəticələnib.

Əlaqədar

Edam cəzası yenidən bərpa olunacaq
Muammər Qəddafinin oğluna edam cəzası verilib
Palmiradakı Roma Amfiteatrı İŞİD-in edam səhnəsinə dönüb
Əhməd Davudoğlu Misirdəki edamla bağlı Avropanı hərəkətə çağırıb
Amerikalı konqresmenlər Mursinin edamına qarşı çıxdılar
Teqlər:
Mövlud Çavuşoğlu, Rəcəb Tayyib Ərdoğan, Motiur Rahman Nizami, "İslam camaatı", Banqladeş, Türkiyə

Əsas mövzular