BAKI, 25 apr — Sputnik. Türkiyə Rusiya ilə əlaqələrin normallaşmasına hazırdır. Bunu Türkiyə Prezidenti Administrasiyasının mətbuat katibi İbrahim Kalın deyib.
O, bildirib ki, rəsmi Ankara "Su-24" qırıcı təyyarəsinin vurulmasından sonra Rusiya ilə yaranan problemin diplomatik yolla həllini istəyir: "Bu təklifimiz hələ qüvvədədir".
Türkiyə Prezidenti Administrasiyasının mətbuat katibi İbrahim Kalın qeyd edib ki, Moskva ilə müxtəlif səviyyələrdə müəyyən təmaslar mövcuddur: "Bunu görürük və ümid edirik ki, təmaslar daha intensiv xarakter alacaq".
İbrahim Kalın hesab edir ki, Türkiyə ilə Rusiya arasındakı möhkəm və inkişaf etmiş əlaqələr bir insidentin qurbanı olmamalıdır.
