BAKI, 31 mart — Sputnik. Müvəqqəti olaraq, təxminən 6 min qaçqının yaşadığı Yunanıstanın ən böyük liman şəhəri Pireydə suriyalı və əfqan qaçqınlar arasında kütləvi dava düşüb. Sputnik Report-a istinadən xəbər verir ki, dava nəticəsində ən azı səkkiz nəfər xəsarət alıb.
Əvvəlcə davada təxminən 30 nəfər iştirak edib, gecə yarısından sonra isə qarşıdurmanın miqyası böyüyüb. Suriyalılar və əfqanlar bir-birinə daş atıb, sərnişin terminalında şüşələr sındırılıb.
İğtişaşları yalnız xüsusi təyinatlılar hadisə yerinə gələndən sonra dayandırmaq mümkün olub. Qaçqınların bildirdiyinə görə, davaya səbəb əfqanların suriyalı qadına hücum etməsi olub.
