12:18 25 Sentyabr 2018
Canlı yayım
  • RUB0.0258
  • USD1.7000
  • EUR1.9960
Mehriban Əliyeva Antalya sammitində

Azərbaycanın birinci xanımı “Qadınlar-20” sessiyasında iştirak edib

© AZƏRTAC
DÜNYA
Qısa URL
20411

Noyabrın 15-də “Böyük İyirmiliyin” Antalyada keçirilən Sammiti çərçivəsində “Biznes-20”/“Qadınlar-20” (“Business-20”/“Women-20”) birgə sessiyası təşkil olunub.

BAKI, 15 noy — Sputnik. Noyabrın 15-də “Böyük İyirmiliyin” Antalyada keçirilən Sammiti çərçivəsində “Biznes-20”/“Qadınlar-20” (“Business-20”/“Women-20”) birgə sessiyası təşkil olunub.

Azərbaycanın birinci xanımı, Heydər Əliyev Fondunun prezidenti Mehriban Əliyeva və Fondun vitse-prezidenti Leyla Əliyeva sessiyada iştirak ediblər.

Tədbirdə əvvəlcə qaçqın qadınların problemlərinə həsr edilən videoçarx nümayiş olundu.

Sessiyada çıxış edənlər bu problemin artıq qlobal xarakter aldığını bildirdilər. Qeyd edildi ki, həlli vacib olan belə problemlərin aradan qaldırılması ilə yanaşı, onların qarşısını almaq da zəruridir.

Türkiyə Prezidenti Rəcəb Tayyib Ərdoğanın xanımı Əminə Ərdoğan sessiyada çıxış edərək dedi ki, sammit çərçivəsində təşkil olunan bu tədbir qadınların, xüsusilə qaçqın qadınların problemlərinin həllinə yeni bir baxış gətirəcək. Əminə Ərdoğan terrorçuluğa qarşı mübarizə, Suriyadakı vəziyyət, bu ölkədən olan qaçqınların məsələlərinə də toxundu. Bildirdi ki, dünyanın müxtəlif yerlərində törədilən terror aktlarından ən çox əziyyət çəkən qadınlar və uşaqlardır. Bu problemin indiyədək həllini tapmaması təəssüf doğurur. Türkiyə Prezidentinin xanımı Antalya Sammitini suriyalı və iraqlı qaçqınların problemlərinin həllinə kömək baxımından böyük fürsət kimi dəyərləndirdi.

  • Mehriban Əliyeva Antalya sammitində
    Mehriban Əliyeva Antalya sammitində
    © AZƏRTAC
  • Mehriban Əliyeva Antalya sammitində
    Mehriban Əliyeva Antalya sammitində
    © AZƏRTAC
  • Leyla Əliyeva Antalya sammitində
    Leyla Əliyeva Antalya sammitində
    © AZƏRTAC
1 / 3
© AZƏRTAC
Mehriban Əliyeva Antalya sammitində

Sessiyada digər çıxış edənlər milliyyəti və sərhədi olmayan terrorun yaratdığı təhlükələrin aradan qaldırılmasında dünya xalqlarının birgə fəaliyyətlərinin zəruriliyindən danışdılar.

Sonda tədbir iştirakçıları xatirə şəkli çəkdirdilər.

Türkiyənin birinci xanımı Əminə Ərdoğan Azərbaycanın birinci xanımı Mehriban Əliyevanı və qızı Leyla Əliyevanı yola saldı.

Əsas mövzular