Сьемка, фото из архива - Sputnik Azərbaycan, 1920
VİDEO
Ölkənin və dünyanın müxtəlif yerlərindən maraqlı və aktual görüntülər

"Ehtiyat zabit hazırlığı kursu"nun buraxılış mərasimi keçirilib - VİDEO

Abunə olmaq
Buraxılış mərasimində çıxış edənlər məzunları "leytenant" növbəti hərbi rütbəsi verilməsi münasibətilə təbrik edib, onlara xidmətlərində uğurlar arzulayıb.

BAKI, 24 may — Sputnik. Mayın 24-də Silahlı Qüvvələrin Təlim və Tədris Mərkəzində "Ehtiyat zabit hazırlığı" kursunu bitirmiş hərbi qulluqçuların buraxılış mərasimi keçirilib.

Müdafiə Nazirliyindən Sputnik Azərbaycan-a bildirilib ki, əvvəlcə xalqımızın ümummilli lideri Heydər Əliyevin, Vətənimizin suverenliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Hərbi orkestrin ifasında Azərbaycan Respublikasının Dövlət Himni səsləndirilib.

Buraxılış mərasimində çıxış edənlər məzunları "leytenant" növbəti hərbi rütbəsi verilməsi münasibətilə təbrik edib, onlara xidmətlərində uğurlar arzulayıb.

Gənc zabitlər də öz növbəsində kurs müddətində aldıqları bilikləri və praktiki vərdişləri xidmət yerlərində tətbiq edəcəklərinə, üzərilərinə düşən vəzifələri layiqincə yerinə yetirəcəklərinə söz veriblər.

Kursu müvəffəqiyyətlə bitirən məzunlara "leytenant" poqonları və sertifikatlar təqdim edilib.

Sonda gənc leytenantların tribuna önündən təntənəli keçidi olub.

Xəbər lenti
0