Kolleksiya Azərbaycanın müxtəlif bölgələrindən 10 ildən artıq müddətdə toplanıb bir araya gətirilmiş eksponatlardan ibarətdir.
Təqdim olunan ekspozisiyada tarixi əhəmiyyətə malik 4000-dən artıq rəngarəng eksponata rast gəlmək mümkündür. Məsələn, XVI əsr Səfəvilər dövrünə aid parça nümunələri, habelə güləbətin üslubu ilə işlənmiş Quran qablarını da burada görmək olar.
Kolleksiyaçılar gənclərimizin milli incəsənət nümunələri, qədim tikiş üsulları və milli geyimlərlə yaxından tanış olmalarına xüsusi diqqət yetiriblər. Yaxın vaxtlarda qalereyada şou-rumun açılması da gözlənilir. Burada kolleksiyaçıların əl işləri ilə tanış olmaq olar.
Sputnik Azərbaycan-ın çəkiliş qrupu qalereyada olub. Ətraflı videomuzdan izləyin.
