CƏMİYYƏT
Cəmiyyətin həyatında baş verən aktual hadisələr

Qarabağda su qıtlığı problemini tarixi yolla həll edirlər: Məşhur kəhrizlər iş başında

Abunə olmaq
Ağdam rayonunda suya olan tələbatın artması ilə məşhur tarixi su kəhrizləri bərpa edilir. Bunun nə məqsədlə və necə həyata keçirildiyini videomuzda izləyin.

Kəhrizlər bir vaxtlar Qarabağ torpaqlarının suvarılmasında istifadə olunub. Sonrada artezian quyuları və kanalların çəkilməsi ilə kəhrizlərə olan tələbat heçə ensə də, son illərin su qıtlığı problemi onları yenidən aktuallaşdırıb.

Qarabağda Neolit dövrünə aid yaşayış məskəni aşkarlanıb –qazıntı yerindən kadrlar  - Sputnik Azərbaycan
VİDEO
Qarabağda Neolit dövrünə aid yaşayış məskəni aşkarlanıb –qazıntı yerindən kadrlar

Ağdam rayonu Əhmədağalı kəndinin ərazisindəki kəhriz quyuları yenidən, müasir texnoloji üsullardan istifadə olunmaqla yenidən qurulmağa başlanılıb. Layihə mühəndisi Rəvan Mehdiyevin sözlərinə görə, layihənin əsas məqsədi məcburi köçkünlərin məskunlaşdığı icmalarda həyat şəraitini və su təminatını yaxşılaşdırmaqdır.

“Yeni texnoloji metodologiya ilə kəhriz tunellərində tunel halqasına ehtiyac olmayacaq, çünki o hissələrdə plastik borular quraşdırılacaq. Bununla da kəhrizlərin ətraf mühit təsir amillərinə dayanıqlığı artırılacaq”, - deyə layihə mühəndisi Sputnik Azərbaycan-ın bölgə müxbiri ilə bölüşüb.

2022-ci ilədək Ağdam rayonunda 17 kəhrizin bərpası həyata keçiriləcək. Bu ay isə Ağdam rayonunda daha iki – “Qozlu” və “Heyvalı” kəhrizlərində bərpa işlərinə başlanılması planlaşdırılır.

Xəbər lenti
0