01:04 31 May 2020
Canlı yayım
  • USD1.7000
  • RUB0.0274
  • EUR1.9035
© Sputnik. Rahim Zakiroğlu / Leyla Orucova

Lənkəran şəhərində iki minik avtomobili toqquşub. Hər iki avtomobilə ciddi ziyan dəyib və sürücülərdən biri sıxılaraq avtomobilin içərisində qalıb. FHN-in əməkdaşları onu xüsusi texnika vasitəsi ilə çıxarıblar. Hadisə yerindən kadrları videomuzda izləyin.

Bu gün Lənkəran şəhərinin Şəhidlər xiyabanı ərazisində iki minik avtomobili toqquşub. İmanlı Şəhriyar İdris oğlunun idarə etdiyi 90-LU-644 dövlət qeydiyyat nömrə nişanlı “Toyota Prado” markalı minik avtomobili ilə Zahid Mirzə oğlu Kazımovun idarə etdiyi 42-BF-493 dövlət qeydiyyat nömrə nişanlı “VAZ-2103” markalı minik avtomobili toqquşub. Toqquşma zamanı hər iki avtomobilə ciddi ziyan dəyib və “VAZ-2103”ün sürücüsü sıxılaraq avtomobilin içərisində qalıb.

Avtoqəza baş verən əraziyə FHN-in Cənub Regional Mərkəzinin Xüsusi xilasetmə  hissəsinin 7 nəfərlik briqadası gələrək avtomobilin içərisində qalan Z.Kazımovu xüsusi texnika vasitəsi ilə çıxarıb. “VAZ-2103”ün xəsarət alan sürücüsü travmatik şok vəziyyətində sol bud və sağ baldır sümüyünün sınıqları diaqnozu ilə Lənkəran Rayon Mərkəzi Xəstəxanasının Reanimasiya şöbəsinə yerləşdirilib. Hazırda qəza hadisəsi araşdırılır.

Digər videolar

Əsas mövzular