Futbol bayramının ən son gününə gəlib çıxmışıq.
Məhz bu gün Bakıda keçiriləcək final oyunundan sonra UEFA Avropa Liqası kubokunu hansı komandanın özü ilə evə aparacağı bəlli olacaq. Hər iki ingilis komandasına azarkeşlik etməyə yüzlərlə futbol fanatı gəlib. Sorğumuzdan da bəlli olub ki, həvəskarların coğrafiyası olduqca genişdir. Estoniya, İngiltərə, Almaniya, Çin, Birləşmiş Ərəb Əmirlikləri, Ukrayna, Qazaxıstan kimi ölkələrdən fanatlar tənbəllik etməyib, komandaları dəstəkləməyə gəlib.
Hər iki tərəf öz komandalarının qalib gələcəyini iddia edir. Bəs sizcə, kuboku özü ilə kim aparacaq?
