00:31 18 Noyabr 2018
Canlı yayım
  • USD1.7000
  • RUB0.0258
  • EUR1.9267
© Sputnik / Kamilla Əliyeva / Taleh Mahmudov / L.Orucova

Bakıda İnnovasiyalar Həftəsi çərçivəsində “Global Influencer Day” konfransı start götürüb. Tədbirin ən maraqlı hissəsi isə məşhur robot Sofiyanın ənənəvi Azərbaycan libasında çıxışı olub.

"Global Influencer Day" konfransının əsas müzakirə məqamları rəqəmsal marketinq və sosial medianın təsir strategiyaları və ən aktual tendensiyaları olub. Heydər Əliyev Mərkəzində keçirilən tədbirin ən maraqlı qonağı isə Robot Sofiya olub. O, Azərbaycanın cavan olmasına baxmayaraq, regionda innovasiyalar mərkəzinə çevrilmək üçün böyük potensiala malik olduğunu qeyd edib. 

Azərbaycan dilini bir az öyrəndiyini deyən Sofiya həm də Azərbaycanın dadlı mətbəxindən xəbərdar olduğunu bildirib. Amma zarafatla əlavə edib ki, bu mətbəxin dadına baxa bilmir.

Qeyd edək ki, "Global Influencer Day" konfransı Azərbaycan Respublikası Nəqliyyat, Rabitə və Yüksək Texnologiyalar Nazirliyi, Heydər Əliyev Mərkəzi, Azərbaycan Respublikasının Turizm Agentliyi, "ADA" Universiteti, Azərbaycandakı ABŞ Ticarət Palası, Azərbaycan Konqreslər Bürosu və CAMCA şəbəkələrinin dəstəyi ilə keçirilir.

Sputnik Azərbaycan "Global Influencer Day" konfransının məlumat tərəfdaşıdır.

Əlaqədar

Sofiya robotu Bakıda milli geyim geyəcək
"Global İnfluencer Day"-in proqramı açıqlandı
"Sofiya" İlham Əliyevin hüzurunda - FOTOLENT

Digər videolar

Əsas mövzular