Yerli sakinlərin Arif olaraq tanıdığı, illərdir çörəyini qarmonundan çıxaran bu ifaçının əsl adı isə Aydın Mustafayevdir. Uşaqlıqdan fərasəti, qabiliyyəti ilə arif insan kimi tanındığından hamı onu Aydın deyil, elə Arif kimi tanıyır və belə də çağırır.
Kiçik, birotaqlı evdə oğlu ilə birgə yaşayan ağbirçək Fatma nənənin — Arifin anasının 95 yaşı var. Yaşının çox olmasına baxmayaraq yorulmadan, usanmadan 69 yaşlı övladına qulluq edən ana oğlunun körpə uşaq kimi qayğısına qalır və hər istəyini yerinə yetirməyə çalışır.
