Сьемка, фото из архива - Sputnik Azərbaycan
VİDEO
Ölkənin və dünyanın müxtəlif yerlərindən maraqlı və aktual görüntülər

Ənənəvi Azərbaycan lavaşının hazırlanma qaydası

Abunə olmaq
Hər bir azərbaycanlı uşaqlıqdan əsl Azərbaycan lavaşının dadını bilir və hər birimiz üçün bundan daha mükəmməl bir dad yoxdur.

Ənənəvi Azərbaycan lavaşının hazırlanma qaydasına Sputnik Azərbaycan-ın videosunda baxın.

Bakıdakı milli mətbəxə malik restoranlardan birinin aşpazı Həlimə Babayeva deyib ki, bu reseptlə bişən lavaş onların ailəsində nəsildən-nəslə keçir.

İnqridiyentlər:

Un — 500 qram
Su — 1 stəkan
Maya — 1 çay qaşığı
Duz — 1 çay qaşığı

Əvvəlcə xəmiri hazırlayırıq. Una maya, duz və su əlavə edib xəmir yoğururuq. Sonra xəmiri hissələrə bölüb kündələyirik. Kündələri oxlovun köməyi ilə 1 mm qalınlığında yayırıq. Hazır yayılmış xəmirləri təndirdə, yaxud da kürədə 3-4 dəqiqə ərzində bişiririk.

Qeyd edək ki, lavaşın təndirdə bişirilməsi üçün mütləq təndirin divarlarına su çiləmək lazımdır ki, lavaşlar onun divarına yapışsın.

Hazır lavaşı süfrəyə göyərti və şorla verirlər. Lavaşı yağlayıb içinə pendir və göyərti qoyub yeməyin isə bir ayrı ləzzəti var. Lavaş lüləkabab, kotlet, dönər və digər təamlarla da sevilərək yeyilir. Əsl lavaşın dadına məhz Azərbaycanda baxmaq lazımdır.

Xəbər lenti
0