Yasamal rayon İcra Hakimiyyətinin verdiyi xəbərə görə, artıq 1800 ev sökülüb, cəmi isə 2320 yaşayış və qeyri-yaşayış tikilisi sökülməlidir.
Rəsmi məlumata görə, 2015-ci il ərzində 8759 ünvan üzrə yaşayış və qeyri-yaşayış obyektlərinin mübadiləsi keçirilib. 2769 obyekt sahibinə pul ödənilib, digər 2698 şəxsə əlavə kompensasiya verilib. Bundan əlavə sahəsi kiçik olan mənzillərin sahiblərinə 103 yeni mənzil və iki torpaq sahəsi təqdim edilib.
Hal-hazırda söküntü işləri İnşaatçılar, Nəriman Nərimanov prospektləri, Əlibəy Hüseynzadə və Tolstoy küçələri, Bəhram Ağayev və Landau küçələrinin kəsişməsində və həmçinin Qurban Xəlilov küçəsindən Mikayıl Müşviq küçəsi səmtində aparılır.
Xatırladaq ki, bu ərazidə yenidənqurma işləri Bakı və Abşeronun Baş inkişaf layihəsinin ən vacib tərkib hissəsidir. "Sovetski" kimi tanınan ərazidə isə parklar və yollar salınacaq. Ekspertlərin fikrincə, bu ərazinin sakinlərinin yaşayış səviyyəsinin yaxşılaşdırılması və buranın abadlaşdırılması müasir Bakının prioritetlərindən biridir.
